Friday, September 18, 2009

நினைவின்பயணம்

ஒரு இலையுதிர் மாலையில்
பார்வைகள் சந்தித்தபோது
துவங்கிய நம் பயணம்...

பூக்கள் நிறைந்திருந்த
வசந்தத்தின் வீதிகளில்
கைகோர்த்தபடி தொடர்ந்தது..

அச்சம் எனும் அடைமழையில்
நீ நனைந்தபோது
கரைந்தது,,
உன் மனதில் படிந்திருந்த
என் பிம்பம்..

பிரிவென்னும் கோடையை
கடந்த பின்னும்
உருகாதிருப்பது,,
எனக்குள் உறைந்துபோன
உன் பிம்பம்..

நினைவுச் சாலையின் தூரம்
நீண்டு கொண்டேயிருக்கிறது,
வெயில்தகிக்கும் வேளையிலும்
களைப்பு நேர்வதில்லை,
அடர்ந்திருக்கும் உன்
ஞாபகமரங்களினூடே செல்வதால்..
Share/Bookmark

6 comments:

த‌மிழ் said...

nice!

nakshatra said...
This comment has been removed by a blog administrator.
nakshatra said...

hi
superbbbbbbb one............
really good n keep goin.........

கமலேஷ் said...

ரொம்ப நல்லா இருக்கு நண்பரே...வாழ்த்துக்கள்..தொடருங்கள்...

Madurai Saravanan said...

aththunai kalangkalilum ninaivukal arumai. nalla kavi nayam. paarattukkal

திருநாவுக்கரசு பழனிசாமி said...

நன்றி கமலேஷ், சரவணன்..

Post a Comment