Friday, January 8, 2010

சலனமில்லா நிகழ்வு.



காலை நேரங்களில்
உயர் மற்றும் குறை ரத்த அழுத்தக்காரர்களாலும்,
மாலை பொழுதுகளில்
முதிர் மற்றும் விடலை காதலர்களாலும்
பிதுங்கி கொண்டிருந்த
இந்த 'நியான்விளக்கு' பூங்கா.,
உனது முதல் வருகைக்கு பிறகு
மிதக்க துவங்கியிருக்கிறது.
உனது வருகையை
நமது சந்திப்புகளாக்கும்
சாத்தியங்களை தேடி
மிதக்க பழகியிருந்தேன் நானும்,
நியான் விளக்கொளியையும்
மங்கச்செய்யும் உன் ஒளியில்
மரித்து விட்டிருந்ததென் விட்டில்மனம்..

மரிப்பதும்,மிதப்பதும்
(அகச்)சலனங்களுடன் நிகழ..
சலனமில்லாமல் நிகழ்கிறது இக்கவிதை..

Share/Bookmark

1 comments:

கலையரசன் said...

சூப்பர்..! நல்லா புரியும்படி எழுதியத்துக்கு..

Post a Comment